Gihangyo ni Senator Francis “Kiko” Pangilinan, chairperson sa Senate Committee on Agriculture ang Department of Agriculture (DA) sa paspas nga aksyon sa pag-apod-apod sa fuel subsidy alang sa mga mangingisda nga naapektuhan sa padayon nga pagsaka sa presyo sa lana.
Sumala sa Bureau of Fisheries and Aquatic Resources (BFAR), adunay ₱50 milyon nga pondo alang sa ayuda, apan limitado ra kini ug makabenepisyo lamang ang mga 15,000 ka mangingisda nga rehistrado nga naggamit og motorized nga bangka.
Gipangayo usab sa grupo nga SINAG nga ipanghatag dayon ang ayuda gumikam dako ang epekto sa gasto sa produksyon, nga miabot na og dugang ₱500 kada adlaw sa mga gagmay nga mangingisda.
Sumala ni Senador Kiko Pangilinan nga kinahanglan nga ipagawas ang guidelines para sa ₱10 bilyon nga Presidential Assistance for Farmers and Fisherfolk (PAFF) aron masiguro ang hapsay ug paspas nga pag-apod-apod sa fuel subsidy, ilabi na kay 80% sa gasto sa pangingisda gikan sa krudo.