Gidout sa International Criminal Court si kanhing Presidente Rodrigo Duterte adunay direktang kontrol ug naghatag og pinansyal nga suporta sa halapad nga pagpatay ubos sa iyang anti-narcotics campaign.
Sa gihimong confirmation of charges hearing kagahapon adlaw’ng Lunes, diin nga wala motambong si Duterte, gipunting ni ICC Prosecutor Mame Mandiaye Niang nga gipondohan ug personal nga gitutokan sa kanhing pangulo ang mga target sa Davao Death Squad o DDS.
Sumala ni Niang, importante ang kontribusyon ni Duterte aron ma-neutralize ang mga kriminal sa Pilipinas pinaagi sa pagpamatay.
Gipasiugda sa prosecutor nga gawas sa regular nga sweldo, nakadawat usab ang mga direktang mupatay og cash per head tungod sa kahadlok, pabuya o ganti, o buta sa pagkamatinud-anon.
Pamatuod usab sa hingpit nga gahum ni Duterte ang pagsuspinde niya sa operasyon sa duha ka higayon, nga nakapakunhod sa kaso sa pagpatay.
Gi-atubang ni Duterte ang three counts of crimes against humanity tungod sa kakulang sa due process para sa mga biktima.
Sumala sa rekord sa gobyerno, moabot sa 6,200 ang napatay sa drug war, apan giingon sa mga human rights groups nga posibleng mosaka kini sa 30,000.
Ipadayun ang mga pagdungog sa Pebrero 24, 26, ug 27.
Gi-insistar usab ni International Criminal Court (ICC) Deputy Prosecutor Mandiaye Niang, nga kinahanglang manubag si kanhi Pangulong Rodgrigo Duterte aron makab-ot ang hustisya alang sa mga biktima sa ‘war on drugs.’Â
Subay niini, gipunting usab ni Atty. Joel Butuyan nga usa siya sa mga common legal representatives sa mga biktima, nga daghan pa ang nahadlok nga isulti ang ilang mga kasinatian bahin sa kahadlok ug kasakit sa ilang kinabuhi tungod sa mga giingong krimen sa kanhing Presidente Rodrigo Duterte.
Matod ni Butuyan, ang mga biktima sa ‘war on drugs’ nagpadayon sa kahadlok nga basin sila targeton sa violenting paagi tungod sa ilang testimonya.