- Advertisement -
Usa ka flower shop owner ang nasikop atol sa nagmalamposong buy-bust operation sa kapulisan sa Purok 11, Barangay Poblacion, Valencia City, kagahapong adlawa, Oktubre 21, 2025, mga alas 3:30 sa hapon.
Ang 64-anyos nga suspetsado, minyo ug tag-iya og flower shop, nasikop sa operasyon nga gipahigayon sa Valencia City Police Station uban ang RPDEU 10, 1003rd MC, RMFB10, PDEA Bukidnon, ug City Anti-Drugs Special Unit Team (CADSUT), sa koordinasyon sa Provincial Intelligence Unit sa Bukidnon PPO.
Nasakmit gikan sa dinakpan ang gituohang shabu nga nagkantidad sa PhP 35,360. Ang suspek karon anaa sa kustodiya sa Valencia CPS alang sa tukmang legal nga proseso.
- Advertisement -