Nadismaya ang mga residente sa Sitio Lagaan, Barangay Apo Macote, Malaybalay City tungod sa kapakyasan sa P96.5 milyon nga flood control project nga ilawom sa Department of Public Works and Highways (DPWH) Bukidnon 2nd District Engineering Office ug gi-kontrata sa Rosbill Construction and Supply.
Ang proyekto nga gitakdang matapos Nobyembre 2024 apan gi-extend hangtod Pebrero 2025. Apan karon, gilikramo sa mga residente nga adunay dagkong crack, nanglutaw nga rebars, walay sheet piles sa daghang parte, ug nagbilin og mga tapal-tapal nga trabaho nga nagbutang sa komunidad sa peligro sa baha.
Matud sa mga residente, ilang gipasidan-an ang DPWH personnel bahin sa depektibong culvert foundations, kakulang sa sheet piles, ug mga crack nga misulbong bisan wala pa’y usa ka tuig sukad natapos ang proyekto, apan wala kini hatagi og aksyon.
Gibutyag usab sa usa ka residente nga, ang balas nga gigamit sa pipila ka bahin gikan matud pa sa pribadong luna nga adunay sapa nga gi-quarry sa kontraktor. Tungod niini, gipanawagan sa mga residente ang DPWH Central Office aron masuta ang ang agi sa proyekto personahe sa DPWH Bukidnon 1st District nga wala motubag sa ilang mga reklamo, lakip na usab sa Rosbill Construction and Supply.