Naapektuhan ang byahe sa aktres ug TV host nga si Anne Curtis human ang flight paingon sa Dubai napugos og diversion balik sa Milan tungod sa nagkagrabeng tensyon ug airstrikes sa Middle East.
Sumala sa mga taho, mid-air na ang eroplano sa dihang gipahibalo sa airline ang kalit nga pagsira sa pipila ka airspace isip lakang sa kaluwasan, hinungdan nga ipahunong ang padayon nga byahe.
Sa mga gipaambit ni Anne sa social media, nasaksihan niini ang kahadlok sa sitwasyon, lakip ang presensya sa mga military aircraft duol sa ruta niini, apan gipasalig nga luwas ang tanang pasahero ug wala’y kadaut ang eroplano.
Human sa insidente, nagpadayag kini og kabalaka ug pag-ampo alang sa mga Pilipino ug tanan nga naapektuhan sa nagpadayon nga kagubot sa rehiyon.