Hingpit nang ipatuman sa Malaybalay City Water District ang pag terminate sa kontrata sa prime water management karung tuiga. Kini may kalabutan sa palpak nga serbesyo sa maong supplier sa panubig dinhi sa siyudad.
Sa pakighinabi sa Bombo Radyo Malaybalay, atol sa programang Bombohanay sa Bigtime, gibutyag ni Engr. Nolito Binahon, General Manager sa Malabalay City Water District, nga ilang gipaabot ang opisyal nga tubag sa PrimeWater karon diin matapos karong Disyembre 22 aron masayran unsay lakang sa kompanya bahin sa pre-termination notice diin gihatagan kini sulod sa 90- nga lugway aron tul-iron ang panubig sa dakbayan.
Matod pa niini, nga ilang hatagan sa panahon ang maong supplier nga makapanubag sa kahimtang sa sistema sa pagpadgan sa tubig una kini mupagawas og final notice of termination.
Gidugang pa ni Binahon nga nakita sa ilang buhatan mismo nga daghan pa ang problema sa serbisyo sa panubig, hinungdan nga dili pa niini masulti igo na ba kini arun magapayon ang ilang serbisyo ning syudad.