Filipino pole vaulter EJ Obiena, nakasakmit og bronze medal sa torneyo sa China

Nasakmit ni Filipino pole vaulter EJ Obiena ang bronze medal sa World Athletics Continental nga gipahigayon sa Beijing, China.

Nakuha ni Obiena ang 5.65 metros hinungdan nasakmit niini ang bronze medal.

Samtang si Tao Zhong sa China, nakadaog sa gold medal ug si Cole Walsh sa US mao ang nakakuha sa silver medal.

Sunod nga makigsangka si Obiena sa torneyo nga ipahigayon sa Tokyo, Japan gikan sa Septyembre 13 hangtod 21.

Kasamtangang anaa sa ranked number 7 si Obiena sa World men’s pole vault ranking.