Abante na sa finals sa Mubadala Citi DC Open ang Filipino-Canadian nga tennis star nga si Leylah Fernandez human sa tulo ka oras ug 12 minutos nga duwa batok sa World No. 3 nga si Elena Rybakina.
Napildi ni Fernandez ang Kazakhstani nga si Rybakina sa iskor nga 6-7 (2), 7-6 (3), 7-6 (3) aron makaabot sa iyang ikapito nga WTA singles final.
Si Fernandez, 22 anyos, ang World No. 36 ug mag-atubang sa finals batok kang Anna Kalinskaya sa Russia, nga World No. 11.
Ang modaog sa finals makadawat og $420,525 ug 500 ranking points.
Sa laing bahin, usab napamatud-an sa left-handed Filipino-Canadian ang iyang kusog ug determinasyon sa maong kadaugan batok ni Rybakina.
Nailhan si Fernandez sa tibuok kalibutan human siya misulod sa finals sa US Open niadtong 2021.
Niadtong 2023, nahimong yawe usab siya sa unang kadaugan sa Canada sa Billie Jean King Cup.
Sa finals, iyang maatbang si Kalinskaya nga misaka sa world rankings gumikan sa maayong performance sa Australian Open 2024 ug sa finals sa Dubai.