Nalinya sa lig-on nga grupo ang Philippine Women’s National Football Team alang sa AFC Women’s Asian Cup 2026.
Sa gihimong draw sa FIFA, naapil ang Filipinas football team sa Group A.
Kalinya nila ang world number 15 nga Australia, world number 21 nga Korea Republic, ug world number 68 nga Iran.
Sa miaging torneo niadtong 2022, runner-up ang Korea Republic human mapildi ang Pilipinas sa semifinals.
Gipildi usab sa Korea ang Australia sa quarterfinals.
Kini usab ang unang higayon nga mosalmot ang Iran sa maong torneo human silang modaog sa Group G sa qualifiers.
Sa Group B, anaa ang defending champion nga China (world number 17) kauban ang number 9 nga DPR Korea, Bangladesh, ug Uzbekistan.
Ang Group C gilangkuban sa world number 7 nga Japan, world number 37 nga Vietnam, Chinese Taipei, ug India.
Ingon nga host country, ang Australia ang mahimong top seed, samtang ang uban nga seeding ipahibalo pa sa FIFA base sa ilang umaabot nga rankings.
Ang tatlo ka group winners, mga runner-up, ug duha sa labing maayo nga third place teams awtomatikong mosulod sa knockout stage o quarterfinals.
Ang top 6 teams sa katapusan sa torneo direkta nga makakwalipikar sa 2027 FIFA Women’s World Cup sa Brazil, samtang ang pang-pito ug pang-walo nga teams makadawat og indirect slot.
Mag-host usab ang torneo og duha ka playoff matches sa mga napilde sa quarterfinals, ug ang duha ka modaog ani direkta nga makakwalipikar sa Women’s World Cup.
Ang losing team sa playoff ang magrepresentar sa Asia sa intercontinental playoff matches.
Maka-atbang sa Filipinas ang Australia karong Marso 1, 2026 sa Perth Stadium.
Ang AFC Women’s Asian Cup ipahigayon gikan sa Marso 1 hangtod 21 didto sa Australia.