Gipabilib sa Fil-Am singer-songwriter nga si Olivia Rodrigo ang koneksyon sa kulturang Pilipino pinaagi sa pagpakita sa abilidad sa pagluto sa paboritong pagkaon nga lumpia sa usa ka video feature sa usa ka iladong fashion magazine.
Sa maong feature, gipadayag ang bili sa lumpia alang niini isip usa ka lamian ug makapahimuot nga pagkaon nga nagdala og kahupayan ug kasadya.
Gihisgutan usab ni Olivia, nga ang unang kasinatian sa lumpia naggikan sa tradisyon sa pamilya, diin kanunay kining giandam sa lola matag selebrasyon sa Thanksgiving.
Sumala sa mga obserbasyon sa mga netizens ug fans, ang maong pagbida sa lumpia nagpakita sa padayon nga pagpasigarbo ni Olivia sa Filipino roots taliwala sa kalampusan sa international music scene.
Samtang nagpadayon ang kasikatan niini sa global entertainment industry, ang maong lakang giila nga usa ka positibong representasyon sa pagkaon ug kultura sa Pilipinas, nga naghatag og dugang atensyon sa mga tradisyonal nga putahe sama sa lumpia sa tibuok kalibutan.