Aprobado na sa ikatulo ug katapusang pagbasa sa Senado ang Senate Bill No. 1982 o ang gitawag nga excise tax suspension bill.
Kini nga balaodnon naghatag og awtoridad ni Pres. Ferdinanad Marcos. Jr. sa pag-suspinde o pagkunhod sa excise tax nga gipahamtang sa mga produkto sa petrolyo.
Samtang nagpadayg og kabalaka si Senadora Imee Marcos nga matod pa ang mga dagkong korporasyon ug mga oil importers lang ang maka benepisyo niini imbes nga ang katawhan.
Bisan pa man kon suportado niini ang paghatag og emergency powers sa Presidente, gibutyag sa senador nga kinahanglan kining moresulta sa aktuwal nga pag-ubos sa presyo sa merkado.
Gisugyot usab niini ang mas radikal nga lakang—ang pagtangtang sa Value Added Tax (VAT)—aron mas direkta ang kahupayan nga mabati sa publiko.
Sa laing bahin, gikuwestiyon ni Senador Panfilo “Ping” Lacson ang kahinay sa pagpatuman sa bawas-presyo sa mga gasolinahan.
Gisugyot niini nga padalion ang lugway sa implementasyon gikan sa usa ka bulan ngadto sa duha ka semana.
Nanawagan usab kini sa gobyerno nga maggahin og mga subsidya nga direktang makaabot sa mga tinuod nga nanginahanglan.