Mibalik sa Pilipinas si Manuel Bonoan, ang kanhi Secretary sa Department of Public Works and Highways (DPWH) nga nalambigit sa flood control scandal, sumala sa Bureau of Immigration.
Sa pahayag kagahapong adlwa’ng Domingo, Enero 18, gisulti sa Bureau of Immigration (BI) nga miabot si Bonoan sa Ninoy Aquino International Airport sa buntag, sakay sa China Airlines flight CI0701 gikan sa Taipei, Taiwan, ug nag-inusara kini.
Si Bonoan anaa sa Immigration Lookout Bulletin Order (ILBO) tungod sa giingong kapakyasan isip pangulo sa ahensya nga nalambigit sa korapsyon sa overpriced ug mga ghost flood control projects.
Mibiyahe siya paingon sa United States niadtong Nobyembre 11, 2025, samtang padayon ang imbestigasyon.
Ang iyang rason, sumala sa report, mao ang pag-accompany sa iyang asawa alang sa usa ka medical procedure.