Estudyanteng Nurse Naangol sa Natigayon nga Aksidente sa Dalan

Naangol ang usa ka estudyanteng nurse human mabangga ang motorsiklo nga iyang gisakyan sa usa ka sakyanan sa Barangay Kalasungay, syudad sa Malaybalay pasado alas-7 sa buntag sa Oktubre 1.

Sa pakighinabi sa Bombo Radyo Malaybalay kang Oligario Tadlas, saksi sa maong panghitabo, iyang nakita ang pick-up nga nag-U-turn nga hinungdan sa pagkabangga sa motor sa estudyante.

Dugang pa niini, dugay nakabawi sa panimoot ang biktima ug kapin 10 minutos nga wala kini makatingog. Dali daling me responde ang kapulisan uban sa Traffic Management Center sa lugar ug gipaabot ang biktima sa balay tambalanan.

Sa pagkakaron, anaa na sa balay tambalanan ang estudyanteng nurse ug padayon nga gihatagan og atensyon medikal.