Nagpakamatay ang batan on nga lalaki nga napalgan patay diha sa Aglayan ning syudad pinaagi sa pagsunog sa kaugalingon human sa nasayra niini nga dili siya makagradwar sa koleheyo.
Sa eksclusibong pakighinabi ngadto kang PMS Ken Hanzel Bughaw, tagpamaba sa Malaybalay City PNP, migiula sa ilang imbestigasyon, wala silay nakita nga foul play sa maong insidente. Nasayran nga naghikog ang biktima, giila ang biktima nga si Christian Anthony Boiser Villaser, 23 anyos.
Gibutyag nga pinaagi sa keychain, compass, ug kumpirmasyon sa iyang mga ka boardmate ug uyuan naila ang naghunos sa iyang kinabuhi. Matud pa sa mga kauban niini sa boarding house sa Maramag, Bukidnon, nga ala 1 sa kadlawon sa maong adlaw mihawa kini sa ilang lugar. Human niini, nasayran na lamang nga kini mikutlo na sa iyang kinabuhi. Nagpabiling masubo ang mga kauban ug pamilya sa biktima. Gituohan nga ang depresyon gumikan sa pagkadiskwalipikar sa graduation ang hinungdan sa iyang desisyon.