Ipatuman sa Estados Unidos visa bond nga nagkantidad og hangtod $15,000 alang sa mga turista ug negosyanteng gikan sa mga nasud nga adunay labaw sa 10% overstay rate diin kasagaran gikan sa Africa ug pipila ka parte sa Asia.
Ang maong polisiya kabahin sa 12-ka-bulan nga pilot program nga gituyo aron sulayan kung epektibo ba ang paggamit og visa bond aron masiguro nga ang mga bisita sa U.S. sa ilawom sa B-1 kon business ug B-2 kon tourist visa mopahawa sa nasud sulod sa gitakdang panahon. Kung sakto sa U.S mahimong maibalik ang bond sa aplikante lakip na usab sa mga kondisyon sa refund.
Gikumpirma sa mga opisyal nga ipagawas ang listahan sa mga nasud nga sakop sa programa sa opisyal nga website nga travel.state.gov, 15 ka adlaw sa wala pa ang implementasyon sa bag-ong polisiya. Una kining gisugyot sa panahon sa administrasyong Trump niadtong 2020, apan wala dayong naimplementa.Samtang, mga kritiko sa polisiya ang mipadayag sa ilang pagsupak, gilangkuban sa mga sektor nga nagtan-aw niini isip kabahin sa mas hugot nga immigration policy.
Nagpahimangno usab ang US Travel Association nga posibleng mugrabe pa ang pagkunhod sa international tourism, nga kasamtangang nibagsak og 11.6%.Ang nasangpit nga polisiya mahimong makaapekto sa daghang mga aplikante nga gikan sa mga nasud nga kasagarang aduna nang kasinatian sa temporaryong pagbisita sa U.S.