Magtangtang sa pipila ka mga sundalo ang Romania’s Defence Ministry sa Estados Unidos gikan sa NATO’s eastern flank, lakip na ang mga sundalong nakadestino sa Mihail Kogălniceanu Air Base sa Romania.
Kini nga desisyon tungod sa bag-ong prayoridad sa administrasyon ni US President Donald Trump, diin mas gipunting karon sa Amerika ang seguridad sa kaugalingong border ug sa Indo-Pacific region.
Mga 1,000 ka sundalong Amerikano ang magpabilin sa Romania, samtang 1,200 ka tropa nga nag-rotation niaging bulan dili na ilisan. Bisan pa niini, nagpabilin gihapon nga lig-on ang alyansa tali sa Washington ug Bucharest diin may labaw 3,500 ka NATO troops, lakip na ang mga Amerikano nga nagpabilin sa nasud.
Matud pa ni Defence Minister Ionut Mosteanu, igo ra kini sa ilang panginahanglan ug kinahanglan nga magpadayon ang Romania sa pag-invest sa kaugalingong kasundalohan.
Dugang pa, nakadawat na ang Romania og advanced air defence system gikan sa Amerika aron maprotektahan ang ilang nasud batok sa mga drone nga mosulod sa ilang airspace.
Kasamtangan, nagpabilin nga aktibo ang komunikasyon tali sa NATO ug Estados Unidos, diin gipasabot nga ang maong pag adjust sa tropa usa lamang ka normal nga lakang ug dili pasabot nga nag-mubo ang suporta sa Amerika alang sa NATO.