Kapin sa 50,000 ka mga armadong sundalong Amerikano ang kasamtangang naka-deploy sa Middle East samtang seryosong gikonsidera ni Presidente Donald Trump ang usa ka ground invasion sa Iran.
Tumong sa maong planong militar ang pagsakop sa Kharg Island nga maoy tinubdan sa halos 90% sa oil exports sa Iran ug ang pagkuha sa gibanabanaang liboan (1,000) ka libra nga uranium.
Gipasabot sa mga opisyal nga mahimong komplikado ug delikado ang maong operasyon tungod sa panginahanglan nga ma-secure ang mga nuclear sites ug makalusot sa hugot nga depensa sa nasud.
Gilauman nga molungtad og pipila ka bulan ang tibuok misyon diin gipanlantawan nga magpabilin ang mga tropa sa Iran sulod sa dili mominos duha ka bulan. Padayon karon ang hugot nga pag-analisar sa mga eksperto sa posibleng epekto niini sa tibuok kalibutan kung madayon ang maong pagsulong.