Gibarugan sa kampo ni Senador Chiz Escudero nga legal ug ubos sa balaod ang pagdawat sa iyang kampanya sa P30 milyones nga donasyon gikan sa usa ka kontraktor nga nalambigit sa mga proyekto sa flood control niadtong 2022 elections.
Matud sa abogado sa senador nga si Atty. Ramon Esguerra, ang maong kontribusyon gisulod ug girekord base sa Republic Act 7166 ug sa kasulatan sa Commission on Elections kon (COMELEC).
Gipasabot niini nga walay gitago nga transaksiyon ug tinuod nga nasunod ang tanan nga rekisitos sa campaign finance law, busa klaro nga walay kalapasan nga nahimo ang senador.
Kini nga pamahayag namugna human gipangayoan og kasayuran sa COMELEC ang kampo sa Escudero diin usa ka ka ginadili nga kalihukan ang pagdawat sa mga kandidatoog kontribusyon gikan sa mga kontraktor nga adunay aktibong kontrata sa gobyerno.
Apan, nagtuo si Atty. Esguerra nga mapamatud-an nila nga wala kini kalabutan sa bisan unsang pabor o proyekto sa gobyerno ug kini usa ra ka pribadong kontribusyon nga gisunod ang tanang matang sa transparency ug pahibalo.
Gipaabot usab sa kampo ni Escudero nga madawat sa COMELEC ang ilang tubag ug naglaom nga matapos ang isyu og dili mosangpot sa usa ka kaso.