Hugot ang pagbantay sa Bangko Sentral ng Pilipinas (BSP) sa nagpadayong kagubot sa Middle East, partikular na ang tensyon sa nasud sa Iran, tungod sa posibleng dako nga epekto niini sa ekonomiya sa Pilipinas karong Marso ning tuig.
Sumala sa BSP, hingpit nga gipanid-an niini ang lihok sa presyo sa lana sa kamekrkaduhan sa kalibutan nga mahimong hinungdan sa pagsaka sa inflation o ang pagmahal sa mga nag-unang palaliton ug serbisyo sa nasod.
Gawas sa epekto sa presyo sa gasolina, gikabalak-an usab ang mamahimong dagan sa remittances gikan sa mga Overseas Filipino Workers (OFWs) ug ang kalig-on sa bili sa peso batok sa dolyar sa tunga-tunga niining krisis.
Nagkanayon ang kadagkoan sa banko sentral nga andam sila sa paghimo og mga dinaliang lakang sa ilang “monetary policy” aron masiguro nga dili mabug-atan ang mga yanong lungsuranon sa bisan unsang kalisod nga resulta sa panagbangi gawas sa nasud.