Usa ka regular nga empleyado sa lokal nga pangagamhanan sa Valencia ang nagpositibo sa initial drug test nga gipahigayon niadtong Oktubre 20, 2025,
Matud pa ni Jun Galario, Former City Mayor sa Valencia ug Consultant kini resulta sa padayon nga random drug testing sa mga empleyado ug opisyales sa syudad nga gipatuman ubos sa Drug Free Workplace Policy aron mapalig-on ang integridad ug kredibilidad sa serbisyo publiko.
Sumala sa polisiya, ang empleyado nga magpositibo sa initial screening kinahanglan ipasa sa confirmatory test aron mapamatud-an ang resulta.Hatagan usab siya og 15 ka adlaw kung adunay pagduhaduha aron makapasa og reklamo o dispute.
Kung makumpirma nga positibo, ang empleyado ipailawom sa rehabilitasyon. Kung dili mosunod sa proseso, mahimo siyang pasakaan sa kaso nga grave misconduct o posibling pagtangtang sa serbisyo.
Gipangulohan ni Mayor Amie Galario ang maong kalihokan aron masiguro ang maayong serbisyo ug pagsunod sa balaod sa tanang empleyado sa lokal nga pangagamhanan