Eman Pacquiao, gibutyag nga “celebrity crush” sa Inahan si Piolo Pascual

Gibutyag sa batan-ong boksidor nga si Eman Bacosa Pacquiao nga ang pagkahimong ambassador niini kauban si Piolo Pascual usa ka espesyal nga garbo alang sa inahan nga si Joanna Bacosa.

Sa usa ka interview, giangkon ni Eman nga dugay na nga “celebrity crush” sa inahan niini ang aktor, ug dako ang kalipay niini sa dihang personal kining nagkahimamat.

Gawas sa garbo sa pamilya, mapasalamaton usab si Eman sa mga tips nga gihatag ni Piolo mahitungod sa acting ug endorsements.

Si Eman, nga anak ni boxing legend Manny Pacquiao, naila karon sa publiko dili lang tungod sa abilidad sa boksing, apan tungod usab sa pagka-lookalike sa maong sikat nga aktor.