Gipadayag sa aktres nga si Ellen Adarna ang mga obserbasyon kabahin sa child support nga gihatag sa estranged husband niining si Derek Ramsay alang sa anak nga si Liana ug kung gikumpara sa suporta nga gihatag sa kanhi partner nga si John Lloyd Cruz alang sa anak nga si Elias.
Sumala sa aktres, wala gilayon mihatag og sustento si Derek alang sa anak sulod sa Oktubre hangtod Disyembre 2025 hangtod nga gipahinumdoman pa kini sa aktres.
Samtang, ang kanhi partner niini nga si John Lloyd, gidayeg ni Ellen gumikan sa pagkamaayo niini ug pagkaconsistent sa paghatag og suporta sa anak nga si Elias.
Miluwat pa kini nga kabubut-on sa aktor ang paghatag ug wala na nagkinahanglan og mga pahimangno.
Sa pagkakaron, wala pay pamahayag ang duha ka aktor kabahin sa pamahayag ni Ellen sa pagtandi sa pamaagi sa pagsuporta sa anak.