Gikumpirma sa aktres nga si Elisse Joson nga opisyal na ang ilang panagbulag sa iyang long-time partner nga si McCoy de Leon.
Sa usa ka video caption post niini online, “Now, we’re learning to let go”, nagpasabot nga tapos na ang ilang relasyon.
Bisan pa man sa ilang panagbulag, giingon ni Elisse nga nagpabilin gihapon silang nagkahiusa sa ilang gugma ug responsibilidad para sa ilang anak nga si Felize.
Wala na niini gibutyag ang hinungdan sa ilang pagbuwag, apan klaro nga gipili sa duha nga unahon ang kaayuhan ug kalipay sa ilang anak, bisan pa sa personal nilang kahimtang.
Nagpasalamat usab siya sa mga fans nga padayon ang suporta ug respeto sa ilang privacy.
Si Elisse ug McCoy nailhan sa ilang chemistry sukad pa sa ilang panahon sa usa ka reality show, ug nahimong usa sa mga sikat nga showbiz couples atol sa ilang henerasyon.
Taliwala sa ilang sitwasyon, naghangyo ang aktres og pagsabot gikan sa publiko ug magpakita ug respeto sa ilang istorya, ilabi na nga posible kining makaapekto sa panan-aw sa ilang anak.