Gitan-aw sa usa ka eksperto sa balaod nga medyo lamang ang bahin sa prosekusyon tandi sa depensa sa kampo ni kanhi presidente Rodrigo Duterte.
Matud ni Atty. Eddie Cuaresma, kanhi presidente sa Integrated Bar of the Philippines kon (IBP), nga mas bintaha o “lamang” ang kampo sa prosekusyon sa kasamtangang dagan sa usa ka legal nga pagdungog sa Internationa Criminal Court (ICC).
Nag-una matud pa ang prosekusyon sa “scorecard” tungod sa ilang mas detalyadong presentasyon sa mga argumento batok sa depensa.
Bisan pa man sa maong adbentahe, gipasabot sa eksperto nga wala pa hingpit nga makita ang kinatibuk-ang koneksyon sa mga ebidensya sa pagkakaron.
Apan mamahimong dakong hagit sa prosekusyon mao ang pagsumpay-sumpay sa mga detalye aron hingpit nga matukod ang tibuok istorya sa krimen o kaso.
Gipaabot niini nga nga koneksyon mas molutaw pa sa higayon nga magsugod na ang pormal nga trial sa korte.
Samtang sa bahin sa depensa, gisugyot sa abogado nga dugangan ang pagpresentar sa mga argumento ug mga ebidensya aron makumbisir ang huwes sa ICC nga dili angay ma-convict ang kanhi presidente batok sa mga pasangil niini.