EJ Obiena, nagmadaugon og bulawang medalya sa Torneo didto sa Germany

Misalida na usab ang garbo sa Pilipinas nga si Ernest John “EJ” Obiena human niya makuha ang gold medal sa International Springer-Meeting nga gipahigayon didto sa Cottbus, Germany.

Nakoronahan si Obiena isip co-champion kauban ang pole vaulter gikan sa Netherlands nga si Menno Vloon. Nalabwan sa Pinoy athlete ang iyang “season-best” nga 5.77 meters sa maong dula, nga nahimong iyang unang bulawan alang niining tuiga.

Kahinumduman nga sa wala pa kini, nakakuha usab og bronze medal si Obiena sa ISTAF Indoor Düsseldorf human niya malabwan ang 5.65-meter nga gihabugon. Kining maong kadaugan nagpamatuod sa padayon nga pag-ariba sa atleta diha sa kalibutan sa pole vaulting.