Naghatag og pinakabag-ong update si Ruffa Gutierrez bahin sa kahimtang sa iyang amahan nga si Eddie Gutierrez, nga bag-ohay lang miagi og medical procedure sa Singapore.
Matod ni Ruffa, maayo na ang gibati sa 83 anyos nga screen icon, ug nagpasalamat siya sa tanang nag-ampo ug naghatag og suporta.
Ang pamilya ni Ruffa kauban ang iyang inahan nga si Annabelle Rama, ug uban pang mga sakop sa pamilya personal nga misuporta ug miuban kang Eddie sulod sa kapin sa usa ka semana.
Giplano usab sa pamilya nga mobalik sa Singapore sa Abril alang sa padayon nga pagtambal, nga maglakip sa pahuway, ehersisyo, ug water therapy.
Gibutyag usab ni Ruffa nga mas dako ang iyang tinguha karong tuiga nga mogahin og dugang oras alang sa iyang ginikanan, ilabi na human nasayran ang kahimtang sa panglawas sa iyang amahan.