Pakyas ang Pinay tennis star nga si Alex Eala ug ang iyang kauban nga si Iva Jovic gikan sa US sa doubles event sa WTA 250 ASB Classic didto sa Auckland, New Zealand.
Wala makaporma ang duha batok sa pares nga sila si Yifan Xu ug Zhaoxuan Yang sa China, human natapos ang duwa sa score nga 5-7, 3-6. Naningkamot og maayo sila si Eala ug Jovic aron makuha ang momentum, apan daling nakabawi ang mga Chinese players gikan sa ilang “two-game deficit.”
Sa pagsulod sa ikaduhang set, nakalamang pa unta sila si Eala og 3-2, apan gipakita sa mga Chinese players ang ilang kabatid ug kusog hinungdan nga sila ang midaog.
Tungod niini, mo-arangkada na sa finals ang Chinese duo diin ilang ikasangka sila si Hanyu Guo sa China ug Kristina Mladenovic sa France.