Nakasulod na sa quarterfinals sa doubles event sa ASB Classic 2026 sila Alex Eala ug Iva Jovic human nila gipildi ang mga tanyag nga tennis stars nga sila si Venus Williams ug Elina Svitolina kaniadtong Lunes, Enero 5.
Nakuha nila Eala ug Jovic ang kadaugan pinaagi sa score nga 7–6(7), 6–1. Usa sa mga highlight sa dula mao ang pagluwas sa maong duo gikan sa 8 ka set points sa ilang mga kontra sa unang set una nila kini nakuha pinaagi sa usa ka tiebreak.
Ang maong kadaugan giila sa mga sports analysts nga usa ka dakong “statement win” para sa duha ka batan-ong magdudula, ilabi na nga ilang gipildi si Williams nga adunay pito ka Grand Slam singles titles ug si Svitolina nga anaa karon sa World No. 14.
Sunod nga makasangka nila Eala ug Jovic sa quarterfinals ang modaug sa dula tali nila ni Asia Muhammad ug Erin Routliffe batok nila ni Renata Zarazúa ug Jesika Malečková.