Sugdan ni Pinay Tennis star Alex Eala ang 2026 Indian Wells tournament pinaagi sa pakigsangka sa pamilya nga kontra.
Makaatubang niini si Dayana Yastremska sa Ukraine alang sa round 64 sa California nga magsugod sa Sabado sa buntag, oras sa Pilipinas.
Nakasulod na matud si Yastremska sa second round human niini gipildi si Chinese professional tennis player Zhang Shuai.
Sulod gilayon ang 20 anyos nga si Eala sa second round human kini makadawat og first-round bye sa WTA 1000 tournament.
Kahinumdoman nga sa miaging tuig, gipildi ni Eala ang Ukrainian tennis star sa Eastbourne Open quarterfinals.
Adunay na kini mga titulo ang Ukrainian tennis star diin nagkampyon kini sa Hong Kong kaniadtong 2018 ug human sa usa ka tuig nasundan kini sa pagkahimong kampyon sa Hua Hin ug Strasbourg.
Samtang target ni Eala nga subli kining mahimong kampyon human masakmit ang Guadalajara title sa miaging tuig 2025.