Eala, gilauman ang lisod nga engkwentro batok ni Gauff sa Indian Wells Open

Gilauman ni Pinay tennis star Alexandra Eala ang usa ka lisod nga engkwentro batok sa American star nga si Coco Gauff sa round of 32 sa Indian Wells Open.

Mag-abot pag-usab ang duha ka magduduwa pipila lang ka semana human sa engkwentro sa quarterfinals sa Dubai Tennis Championships, diin nidaog si Gauff sa iskor nga 6-0, 6-2.

Sumala ni Eala, gilauman na niini nga mas mahimong lisod ang dula karon ilabi na nga magdula si Gauff sa kaugalingong nasod diin siguradong daghan ang mga fans nga mosuporta sa maong kaatbang.

Bisan pa niini, gipadayag ni Eala nga gamiton ang mga leksyon gikan sa miaging dula isip bahin sa pagpangandam.

Nakasulod ang Filipina sa Round of 32 human gipildi si Dayana Yastremska sa Round of 64.