Gikasubo ni Presidente Ferdinand Marcos Jr. ang trahedya nga nahitabo human masinati sa nasud ang kusog nga pag-ulan ug halapad nga pagbaha nga dala sa Bagyong Crising ug sa Habagat.
Subay sa pinakaulahi nga datos, unom (6) ka tawo ang kumpirmadong namatay, lima (5) ang samaran, ug walo (8) pa ang missing o nawawala.
Gibana-banang 487,964 ka pamilya na ang apektado sa mga pagbaha ug landslide gumikan sa kalit nga pagtaas sa tubig. Sa pagkakaron, 1,875 ka mga lugar sa tibuok nasud ang nalubong pa gihapon sa tubig baha, nga nagpabiling hulga sa mga residente ug motoristang nangagi.
Samtang sa pikas bahin gibutyag nga “significant achievement” o dakong kalampusan ang nahimo human sa negosasyon sa gawas sa nasud nga mitugot sa pagpaubos sa taripa ngadto sa 19% sa pipila ka produkto nga gi-export sa Pilipinas ngadtu sa Estados Unidos.
Matud pa sa Pangulo, ang maong lakang dako ug adunay positibong epekto sa mga lokal nga exporters ug mga negosyante nga nanginabuhi pinaagi sa pagpadala sa ilang produkto sa international market.