Dako og natabang si Andrew Wiggins uban ang 17 puntos ingon man si Bam Adebayo, nga miamot og 15 puntos ug 14 ka rebounds alang sa Heat.
Ang Pistons natagak sa 25-9 human napilde sa ikatulong higayon sa miagi nilang upat ka duwa. Bisan pa man niini, nagkupot gihapon sila sa ikaduhang labing nindot nga rekord ning season sunod sa 29-5 nga Oklahoma City Thunder.
Si Cade Cunningham mikolekta og 31 puntos, 11 ka assists ug walo ka rebounds alang sa pilderong Pistons.Didto sa New York, ang Houston Rockets mikadlit sab sa ikaupat nilang sagunson nga daog human gipildi ang Brooklyn Nets, 120-96.
Didto sa Dallas, si Tyrese Maxey mipabuhagay og 34 puntos, 10 ka assists ug walo ka rebounds aron pangulohan ang Philadelphia 76ers ngadto sa 123-108 nga pagpakaging sa Mavericks.