Dul-an P57,000 nga kantidad sa illegal nga droga, nakumpiska sa Valencia City

Mukabat sa dul-an P57,000 ang kantidad sa droga nga nakumpiska sa kapulisan atol sa usa ka drug buy-bust operation sa Purok 2, Barangay Poblacion, Valencia City.

Sa maong operasyon, nadakpan ang duha ka indibidwal nga sila alias Buddy, 25 anyos, ug alias Patrick, 19 anyos.

Lakip sa operasyon ang pagkakumpiska sa 5 ka pakete sa gitouhang shabu nga adunay gibug-aton nga 8.3 gramos ug nagkantidad og P56,440.

Ang mga dinakpan ug ang mga nakumpiskang illegal nga droga gidala sa Valencia City Police Station alang sa husto nga dokumentasyon ug disposasyon.

Samtang giandam na usab ang kasong paglapas sa pagpayuhot sa illegal nga droga batok sa mga dinakpan.