Dul-an P13,000 nga kantidad sa smuggled nga sigarilyo, nakumpiska sa Brgy. San Jose, Malaybalay City

Nasakmit sa mga otoridad ang mga smuggled nga sigarilyo nga nagkantidad og kapin dul-an P13,000 sa usa ka operasyon didto sa Purok 2, Barangay San Jose, Malaybalay City, Bukidnon.

Nakumpiska kini gikan sa posisyon ni  alyas “Kanor,” 46 anyos, nga nasakpan sa akto nga namaligya sa mga smuggled nga sigarilyo.

Atol sa operasyon, nasuta usab nga wala kini graphics warning.

Ang nasakmit nga smuggled nga sigarilyo naglangkob sa 14 ka reams ug 17 ka pakete nga adunay kinatibuk-ang kantidad sa P12,560.

Gidala gilayon ang nadakpang indibidwal ug ang nasakmit nga mga ebidensya sa Bukidnon 1st Provincial Mobile Force Company alang sa hustong dokumentasyon, ug dayon giturn-over sa City Health Officesa Malaybalay City alang sa egal nga disposasyon.