Dul-an 10,000.00 pesos nga kantidad sa smuggle nga sigarilyo ang nakumpiska sa mga kapulisan sa duha ka managlahing operasyon nga gipahigayon sa mga lungsod sa Manolo Fortich ug Libona, Bukidnon niadtong kagahapong adlawa, Marso 28, 2026.
Sa unang operasyon sa Barangay Tankulan, nadakpan ang usa ka 31-anyos nga lalaki nga nagbiyahe og walo ka ream sa Modern ug Cannon nga sigarilyo nga nagkantidad og Php6,400.00, samtang sa Libona, usa ka 24-anyos nga babaye ang nakuhaan og kapin sa usa ka ream nga Modern brand nga mokantidad og Php1,760.00 sulod sa iyang tindahan.
Ang maong hiniusang kampanya gipangulohan sa lokal nga kapulisan uban ang Bukidnon 1st Provincial Mobile Force Company ubos sa mando ni PCOL Oliver Sotto Navales aron sumpoon ang ilegal nga pagpayuhot sa mga produkto sa probinsya.
Ang tanang nakumpiskang ebidensya gidala na sa tagsa-tagsa ka buhatan sa Rural Health Unit (RHU) alang sa saktong disposisyon samtang giandam na ang mga tukmang kaso batok sa mga dinakpan.