Subling gipasigarbo sa nasud human nakabitbit og halos $500 milyon nga direct investment pledges si Presidente Ferdinand Marcos Jr. gikan sa iyang lima ka adlaw nga state visit sa India.
Atol sa iyang pagbisita, nakigtagbo siya nila Prime Minister Narendra Modi ug President Droupadi Murmu, diin opisyal nga giinaugurar ang usa ka Strategic Partnership nga naglangkob sa mga aspeto sama sa depensa, maritime security, siyensiya ug teknolohiya, kultura, ug turismo.
Gipasidunggan si Marcos sa usa ka full ceremonial welcome sa Rashtrapati Bhavan, ug mipadayag sa iyang foreign policy address sa Observer Research Foundation. Sa ilang mga miting, napirmahan ang 13 ka bilateral agreements nga naglambigit sa judicial cooperation, space technology, depensa, ug cultural exchange u uban pang kasabutan kabahin sa kalambuan sa duha ka nasud sigon sa presidente.
Gipadayag ni Marcos ang iyang pasalamat sa suporta sa India sa pagpanalipod sa international law, ilabi na sa 2016 arbitral ruling kontra China kabahin sa West Philippine Sea.
Gipaluyohan sa India ang rules-based order sa Indo-Pacific nga gilangkuban og papel sa kalinaw sa rehiyon ug pagkaon nga kasiguroan. Naistoryahan usab ang posibilidad sa paghimo og Preferential Trade Agreement aron mapalawom pa ang kooperasyon sa ekonomiya.