Tingkagol sa bilangoan ang duha ka lalaki human mangbastos sa mga babaye sa usa ka resort sa Quezon niadtong Marso 20, 2026, nga nakapukaw og kahadlok sa mga bisita sa maong lugar.
Nasayran sa imbestigasyon nga nahitabo ang insidente alas 3:50 sa hapon sa usa ka spring resort sa Barangay 2, Poblacion, diin ang biktima nga nailhang si alyas Jenny, 36 anyos, nag-picnic uban sa iyang mga kauban. Giduol sila sa mga suspek nga si alyas Ricky, 37 anyos, ug alyas Amboy, 42 anyos, nga parehong ubos sa impluwensya sa ilimnong makahubog. Gisugdan sa mga suspek ang pagpanghulga pinaagi sa pagkumo ug misunod ang padayon nga pagsamok sa ubang cottages. Sa ilang pagbalik, nibungat sila og bastos nga mga pulong ug gipakita pa sa usa ka suspek ang iyang pribadong parte.
Sa pag-abot sa kapulisan, misukol ang mga suspek ug misulay pag-atake batok sa mga awtoridad atol sa ilang pagdakop.
Sa karon, gipriso ang duha sa kustodiya sa Philippine National Police ug mag-atubang sa kasong Direct Assault, Alarm and Scandal, ug Resistance and Disobedience to Person in Authority samtang nagpadayon ang imbestigasyon.