Nakakustudiya na sa kapulisan ang duha ka suspetsado sa managlahing sa kaso sa pagpanglugos. Kini subay sa gipahigayon nga police operations sa lain-laing lugar sa Bukidnon niadtong Disyembre 20, 2025.
Sumala sa report ni PCOL. Oliver Sotto Navales, Provincial Director sa Bukidnon Police Provincial Office (Buk PPO), unang nadakpan takna alas 9:45 sa buntag ang usa sa Top 8 Most Wanted Person sa Regional Level tungod sa kasong Rape.
Ang operasyon gipahigayon sa Purok 15, Brgy. Poblacion, Valencia City, Bukidnon. Valencia City Police Station (CPS) ubos sa liderato ni PLTCOL Bryan M. Panganiban, COP, uban ang 1003rd MC RMFB 10, Provincial Intelligence Unit sa Buk PPO ug RIU 10.
Nadakpan ang suspetsado nga giilang si Argie Samontañez Casanova, 35 anyos, ulitawo ug residente sa maong lugar.
Siya gipangita pinaagi sa Warrant of Arrest alang sa kasong Rape nga docketed ubos sa Criminal Case No. 47422-25, petsa Disyembre 18, 2025, nga walay girekomendar nga piyansa.
Samtang, takna alas 7:39 sa gabii sa samang adlaw, laing operasyon ang malampusong gipahigayon sa Kitaotao Municipal Police Station (MPS).
Ang operasyon nahitabo sa Purok 17A, Brgy. Hagkol, Valencia City, Bukidnon, nga miresulta sa pagkasikop sa laing wanted person.
Ang ikaduhang suspetsado giila nga si Roger Tingcang Baldesco, 35 anyos, minyo, laborer ug residente sa maong lugar. Siya nadakpan pinaagi sa Warrant of Arrest alang sa kasong Rape in relation to Republic Act 7610 o Child Abuse Law, diin wala usab girekomendarnga piyansa. Ang mga dinakpan anaa na sa mga otoridad alang sa hustong dokumentasyon ug legal nga disposisyon.