Gideklara sa House Committee on Justice nga “sufficient in form” ang duha ka impeachment complaints nga gipasaka batok kang Presidente Ferdinand Marcos Jr. Ang maong mga reklamo giduso ni De Jesus ug sa grupo nga gipangnahan ni Liza Maza.Matud pa ni Rep. Jervil Luistro, ang Chairman sa komite, nakit-an nga kompleto ug tinuod ang mga rekords ug dokumento nga gilakip sa mga reklamo.
Tungod niini, gikatakdang tukion sa komite sa sunod nga pagdungog ang “sufficiency in substance” aron susihon kon ang mga pasangil naglangkob ba sa mga impeachable offenses.
Gipasabot usab ni Rep. Lorenz Defensor nga kon ang reklamo makakuha og endorsement gikan sa dili muminos sa (1/3) sa mga miyembro sa Kamarabaha, kinahanglan kini nga ipadala dayon sa Senado alang sa hearing. Matud niini, ang Senado na ang dunay gahum sa pag-isyu og subpoena ngadto sa Presidente.
Sa pikas bahin, gitahud sa Malacañang ang maong proseso apan nagpabiling masaligon si Usec. Claire Castro nga walay basehan ang mga pasangil. Matud pa niini nga kampante ang Presidente tungod kay wala kini gihimong supak sa balaod o bisan unsang impeachable offense. Nabalaka usab ang palasyo sa mahimong epekto niini nga kasamok sa dagan sa ekonomiya sa nasud.