Gipasaka na sa kamara ang duha ka nahibiling impeachment complaint batok kang Sara Duterte human kini gideklarang “sufficient in form,” nga nagpasabot nga mopadayon na ang proseso. Sumala kang Committee Chairman Gerville Luistro, walay misupak sa mosyon.
Gisalikway sa komite sa botong 22-10 ang unang reklamo tungod sa paglapas sa one-year constitutional ban, samtang giaprubahan ang pag-atras sa ikaduhang complaint aron suportahan ang ikatulo.
Ang ikatulong reklamo, nga giendorso ni Leila de Lima, may kalabotan sa giingong sayop nga paggamit sa kapin P612 milyones nga confidential funds sa DepEd ug alegasyong pagpanghulga kang Ferdinand Marcos Jr. ug ubang opisyal. Ang ika-upat nga complaint nagtumong sa giingong kakulang sa pagdeklara sa SALN ug dili maipatin-aw nga bahandi.
Sunod nga pagatalakayon sa komite ang “sufficiency in substance,” ug kon adunay probable cause, mahimo kining ipasaka sa Senado alang sa paghukom.