Masinati karong adlawa ang katapusang hugna pagsaka sa presyo sa lana alang sa bulan sa Marso diin asa ang presyo sa gasolina adunay pag-usbaw og P2.50 matag litro, P12.50 matag litro usab nga pagsaka sa diesel ug ingon man ang kerosene nga P2 matag litro nga pataas.
Ang pagsaka sa presyo nagtimaan sa padayon nga krisis sa Middle East human gisira sa Iran ang Strait of Hormuz, nga nagdala sa global oil price nga mosaka hangtod $117 per baril ug nagpalala sa kabalaka nga molapad pa ang gubat human mosulod ang Houthi rebels sa panagbangi.
Sa lokal nga bahin, ang grabe nga pagsaka sa diesel ug gasolina nakapukaw og protesta sa mga drayber sa jeepney samtang si President Ferdinand Marcos Jr. nagpasalig nga ang reserba sa lana molungtad hangtod Hunyo 30.