Gikatakda na nga ipailawom sa preliminary investigation ang kaso batok sa duha ka taas nga opisyal sa gobyerno nga nalambigit sa giingong maanomalyang mga flood control projects.
Matud pa ni Ombudsman Jesus Crispin Remulla, usa ka kasamtangang senador ug usa ka kanhi senador ang ipailawom na sa imbestigasyon.
Apan wala na hinganli ni Remulla kung kinsa kining maong mga indibidwal ug wala usab gidetalye ang saktong petsa kung kanus-a sugdan ang imbestigasyon.
Gipasabot niini nga mami-misinterpret o mahatagan og laing kahulugan ang iyang pamahayag kung diritso niyang hinganlan ang mga opisyal nga imbestigahon.
Bisan pa niana, gipasalig ni Remulla nga gihimo nila ang tanan aron mapanubag ang bisan kinsa gamay man o dako nga personalidad nga nalambigit sa mga maanomalyang proyekto sa gobyerno.