Moabot sa 500 ka biktima sa “war on drugs” ni kanhi Presidente Rodrigo Duterte ang nihangyo nga magparehistro sa International Criminal Court kon ICC.
Base sa upat ka panid nga dokumento nga gipagawas sa ICC Registry, ang ICC Pre-Trial Chamber 1 nakadawat ug dugang nga mga aplikante.
Gisumite na matud pa ang aplikasyon sa mga 500 ka biktima sa Chamber 227.
Kaniadtong Enero 28, 2026, gimando sa Kamara ang Registry’s Victim Participation and Reparations Section nga ipasa kini hangtod sa Pebrero 9.
Ang Kamara nagpagula usab og desisyon kaniadtong Enero 26 nga nagtugot sa paglakip sa 39 nga mga biktima sa kaso.
Giklaro sa maong desisyon nga ang mga biktima sa murder ug attempted murder nga nahimo gikan sa Nobyembre 1, 2011 hangtod sa Enero 30, 2016 sa Davao City ug bisan ang mga biktima sa murders nga nahitabo gikan sa Enero 2016 hangtod Marso 2019 sa nasud sakop gihapon sa kaso sa kanhi-Presidente.
Kahinumdoman nga kaniadtong Pebrero 10, gimando sa Kamara ang depensa ug prosekusyon sa pagpasaka og updated list of evidence nga ipasa karong Pebrero 13.
Una nang natala sa gobyerno ang 6,200 ka mga drug suspect nga napatay sa panahon ni Duterte tungod sa anti-drug war niini.
Apan, sukwahi kini sa lista sa Human rights organization nga adunay kapin sa 30,000 nga namatay.