Giandam sa Department of Social Welfare and Development (DSWD) ang lain-laing ayuda alang sa repatriated nga Overseas Filipino Workers (OFWs) nga naapektuhan sa tensyon sa Middle East pinaagi sa pakigtambayayong sa OWWA.
Matod ni DSWD Regional Information Officer Roshiel M. Galia, ang ahensya mohatag og assistance nga dili lang pinansyal kundi apil usab psychosocial support depende sa assessment sa social workers. Ang mga OFWs i-refer una sa OWWA ngadto sa DSWD aron masiguro ang hustong case management ug paghatag sa angay nga serbisyo.
Sa pagkakaron, wala pay naitalang repatriated OFWs gikan sa Northern Mindanao, apan nagpadayon ang pagpangandam sa rehiyon samtang adunay mga kaso nga giatiman sa DSWD Central Office sa Luzon.
Gidasig usab sa DSWD ang mga OFWs nga makig-coordinate una sa OWWA aron mapadali ang pag-angkon sa ayuda ug masiguro nga matubag ang ilang nagkadaiyang panginahanglan.