Nagpabiling paralisado ang operasyon sa duha ka dagkong oil terminals sa Russia duol sa kadagatn sa Baltic human sa sunod-sunod nga drone attacks nga gilusad sa nasud sa Ukraine.
Base sa mga nakuha nga report, ang mga pantalan sa Ust-Luga ug Primorsk nakasinati og grabeng kadaot human maigo sa mga drone.
Tungod sa pagkaguba sa mga pasilidad, dili na makadawat og bisan unsang oil shipment ang maong mga terminal, hinungdan sa paghunong sa ilang pag-export og krudo.
Giangkon sa mga otoridad nga dako ang mamahimong epekto niini sa ekonomiya sa Russia.
Gilauman nga mosulbong ang kabalaka sa tibuok kalibutan tungod sa gipaabot nga dakong pagkunhod sa export volume sa lana gikan sa maong nasud.
Sa pagkakaron, wala pa’y gitakda nga petsa kung kanus-a mabalik sa normal ang operasyon sa maong mga terminal samtang nagpadayon pa ang pag-assess sa kinatibuk-ang damyos nga namugna sa maong pag-atake.