Nakagawas na sa bilangguan ang drayber sa trak human sa mangilngig nga disgrasya sa Barangay Lurogan, Valencia City niadtong milabayng adlaw.
Kahinumduman nga gikustudiya kagahapong adlawa si Samuel Sembrano, drayber sa trak sa nasangpit nga disgrasya diin nikalas ang maong aksidente og unom (6) ka kinabuhi samtang kritikal ang laing tulo ka biktima.
Gikumpirma kini ni PLTCOL. Bryan M. Panganiba, hepe sa Valencia City Police Station nga nagkasinabot na ang pamilya sa mga biktima, hingtundan sa maong sakyanan lakip na ang drayber niini.
Gibutyag sa hepe sa nga gipagawas na ang mga sakyanan lakip na ang truck ug ang driver niini human ang pormal nga pag-settle sa kaso.
Duly notarized na matud pa ang maong kasabutan diin ang matag banay nagkauyon nga wala nay plano nga mopadayon pa sa pagpasaka og legal nga aksyon.
Mapasalamaton ang kapulisan nga nakab-ot ang maong settlemet taliwala sa pait nga trahedya.