Drayber sa motorsiklo, patay human misuway og overtake sa Dangcagan, Bukidnon

Kabsan sa kinabuhi ang usa ka drayber sa motorsiklo human nalambigit sa usa ka aksidente sa national highway, Purok 7, Barangay Poblacion, Dangcagan, Bukidnon, adtong nakalabay nga adlaw.

Sa gihimong imbestigasyon, nasayran nga misulay og overtake ang biktima sa laing sakyanan apan mibangga kini sa kasugat nga truck nga gimaneho sa usa ka 43-anyos nga lalaki.

Tungod sa kusog nga impact, nakaangkon og seryosong samad ang biktima ug gideklarang dead on arrival sa tambalanan.

Sa pagkakaron, ang drayber sa truck ug ang duha ka sakyanan anaa na sa kustodiya sa Dangcagan MPS alang sa tukmang disposisyon.