Drayber sa motorsiklo patay human aksidenteng mabanggaan og sakyanan sa Musuan Maramag Bukidnon!

Nakabsan og kinabuhi ang driver sa motorsiklo human aksidenteng mabanggaan sa usa ka sakyanan sulod sa Central Minmdanao University campus sa Musuan, Maramag, Bukidnon.

Ang motorsiklo nga gimanehoan sa 75-anyos nga lalaki uban ang 20-anyos nga back rider, nabanggaan sa unahang bahin sa tuo nga ligid sa Toyota Rush nga kolor itom nga gimanehoan sa usa 20-anyos nga lalaki.

Base sa inisyal nga imbestigasyon, mitabok hinay ang motorsiklo padulong CMU Hospital dihang aksidenteng nabanggaan sa sakyanan nga nagpadulong sa VETMED Building.

Tungod sa  impak, natumba ang motorsiklo ug gilayon gidala sa CMU Hospital ang driver apan gideklarang dead on arrival, samtang stable na ang kahimtang sa angkas niini.