Landing sa balay tambalanan ang usa ka 27-anyos nga lalaki human malambigit sa aksidente ang iyang gimanehong motorsiklo pasado alas 4 sa kadlawon karong Pebrero 12, 2026, sa Purok 7, Barangay Batangan, Valencia City, Bukidnon.
Ang biktima, giila nga si Ripel Hermojenes, residente sa Purok 3, Sinayawan, Valencia City, nga dayber sa maong motorsiklo nga gikaingong gipanag-iyahan ni Terisita Sueco.
Sumala sa imbestigasyon, gikan pa siya sa Fiesta sa Barangay Banlag ug pauli na gikan sa dakbayan, ug gituohan nga lango sa ilimnong makahubog samtang nagmaneho, hinungdan sa aksidente.
Tungod sa kusog nga impact, nabali ang tuong paa sa biktima, samtang grabe usab ang kadaut sa motorsiklo ug atubangan sa sakyanan, dali kining gidala sa ospital alang sa atensyong medikal.
Nagpahigayon na ang kapulisan sa initial nga imbestigasyon aron masuta ang hinungdan ug kumpletong detalye sa aksidente