Patay ang drayber sa usa ka baobao human kini madasmagan sa usa ka pick-up nga mikounter-flow sa Sayre Highway, P-5A, Brgy. Panadtalan, Maramag, Bukidnon, niadtong Pebrero 10, sa may alas 3:30 sa hapon.
Gideklarar nga dead on arrival sa balay tambalanan ang drayber sa baobao human kini makaangkon og mga samad sa kalawasan. Samtang, ang drayber sa pick-up daling misibat palayo sa wala matinong direksyon human sa incidente.
Base sa imbestigasyon sa Maramag Municipal Police Station (MPS), ang baobao nagbiyahe sa southbound lane gikan sa Valencia City paingon sa Panadtalan sa dihang kalit nga milihay ang pick-up gikan sa northbound lane padulong sa Brgy. Dologon
Hinungdan nga naigo sa pick-up ang baobao ug nalabay kini ngadto sa kanal.Ang tag-iya sa pick-up, kinsa nagsilbing pasahero niini, nakaangkon lamang og minor head injuries.Kasamtangan nagpadayon ang gihimong hot pursuit operation sa mga personahe sa Maramag MPS aron madakpan ang drayber sa pick-up nga mibiya sa crime scene.